Туған өлкенің тарихи-мәдени мұрасын таныту мақсатында 23 сәуір күні тарих пәнінің мұғалімі Құттыбай М.М. өз сынып оқушыларымен бірге Никольск ауылында орналасқан «Ботай» музей-қорығына экскурсия ұйымдастырды.
Экскурсия барысында оқушылар Ботай мәдениетінің тарихымен танысып, ежелгі қоныстың маңыздылығы туралы мол мағлұмат алды. Сонымен қатар, тарихи жәдігерлерді тамашалап, туған жердің бай мұрасына деген қызығушылықтары артты.
Осындай танымдық шаралар жас ұрпақтың ел тарихына деген құрметін қалыптастырып, рухани дүниесін байытады.
