Мектебімізде 7 мамыр – Отан қорғаушылар күні және 9 мамыр – Жеңіс күніне орай барлық сыныптарда тәрбие сағаттары өткізілді.
Аталған іс-шаралардың негізгі мақсаты – оқушылардың патриоттық сезімін қалыптастыру, елін, жерін сүюге тәрбиелеу, сондай-ақ Ұлы Отан соғысы ардагерлерінің ерлігін құрметтеуге баулу.
Тәрбие сағаттары барысында оқушыларға тарихи мәліметтер ұсынылып, батырлардың ерлік істері туралы айтылды. Сонымен қатар, тақырыптық бейнероликтер көрсетіліп, өлеңдер оқылып, пікір алмасу ұйымдастырылды. Оқушылар ата-бабаларымыздың ерлігіне тағзым етіп, бейбіт өмірдің қадірін түсінді.
