2-қыркүйек Білім күніне арналған "Мектебім-мейірім мекені" атты салтанатты жиын 2 қыркүйек күні өтті. Мектеп директоры А.Е.Бубинеева сөз алып жаңа оқу жылымен ұстаздарды, ата-аналарды және оқушыларды құттықтаудан бастады . Салтанатты жиынға ауылдық округының әкімі Мұқашев Ж.Б, "North Grain" ЖШС басшысы Е.А.Каленов, педагогикалық еңбек ардагері О.И. Шевчук және Қамқоршылық кеңесінің төрайымы Т.В.Герасимова арнайы шақырылып мектеп ұжымын, оқушыларды және ата-аналарды оқу жылының басталуымен құттықтап, "North Grain" ЖШС демеушілігімен бірінші сыныбының 9 оқушысына берілген кеңсе тауарлары мен сөмкелерді табыстады.
Білім күніне арналған іс-шара аясында оқушыларға сергіту сәті ұйымдастырылды.
Бұл шараға педагогикалық еңбек ардагері, дене шынықтыру пәнінің ұстазы Зосько Сергей Николаевич арнайы шақырылып, жас ұрпаққа салауатты өмір салтын дәріптеді.
Мақсаты: күнделікті дене жаттығуларын тұрақты жүргізу арқылы оқушылардың денсаулығын сақтау; оқу белсенділігін арттыру; салауатты өмір салтын насихаттау мәдениетін дамыту.
✨ Балалардың сергіп, белсенділік танытуы – алдағы оқу жылындағы табысты қадамдардың бастауы!
