2025 жылдың 15 қазан күні «Кирилловка орта мектебі» КММ-де оқу жылындағы бракераждық комиссияның тамақтану сапасын мерзімдік бағалау мақсатында мектеп асханасын тексеру кестесіне сәйкес тегін және жеңілдетілген тамақтануды ұйымдастыру мен тамақ сапасын бақылау жұмысына мониторинг жүргізілді.
Мониторингтің мақсаты: асханадағы ас мәзірімен танысу, ондағы тағамдардың салмағы мен калориясын өлшеу, тамақ даярлау орындары мен шикізат сақтау қоймаларының жағдайын тексеру, өнімдердің жарамдылық мерзімін анықтау, сонымен қатар асханадағы ыдыс-аяқтардың жеткіліктілігі мен санитарлық жағдайын бағалау.
Мониторинг барысында сол күнгі ас мәзіріндегі тағамдардың салмағы мен калориясы өлшеніп, ас даярлау орындары мен шикізат сақтау қоймалары тексерілді. Оқушылардың тамақтану орындары мен ыдыс-аяқтардың жеткілікті екендігі анықталды. Оқушылардың тамақтануына барлық жағдай жасалған (қол жуатын раковиналар, қол кептіргіштер, сұйық сабындар орнатылған). Тамақтану залы санитарлық-гигиеналық талаптарға сай келеді.
